भक्तपुर, फागुन २१ । मृत्यु दर्ता भइसकेका केही नागरिकको नाम अझै पनि मतदाता नामावलीमा रहेको विषयमा जिल्ला निर्वाचन कार्यालय भक्तपुरले देशभर देखिएको समस्या भएको जनाएको छ।
जिल्ला निर्वाचन कार्यालय भक्तपुरका जिल्ला निर्वाचन अधिकारी प्रकाश मगरका अनुसार स्थानीय तहबाट समयमै विवरण अद्यावधिक नहुँदा मृत्यु भइसकेका मतदाताको नाम पनि मतदाता नामावलीमा कायम रहँदै आएको हो।
उनका अनुसार देशभरका स्थानीय तह—गाउँपालिका तथा नगरपालिकालाई पटक–पटक मृत्यु दर्ता भइसकेका नागरिकको विवरण अद्यावधिक गरी पठाउन आग्रह गरिएको भए पनि सो प्रक्रिया समयमै सम्पन्न नहुँदा यस्तो समस्या देखिएको बताए।
निर्वाचन कार्यालयले सम्बन्धित स्थानीय तहले नियमित रूपमा विवरण अद्यावधिक गरेमा आगामी दिनमा यस्ता समस्या समाधान हुने जनाएको छ।
Published Date: 05 March 2026
