काठमाडौँ, फागुन ९ । बुधबार सेयरबजारमा ६.४६ अङ्कको सामान्य गिरावट आउँदा कारोबार रकम भने उल्लेख्य रुपमा घटेको छ । समग्र बजार घटेपनि खेलाडीहरु लागेका स्क्रीप्टमा भने हरियाली कायम नै रहेको छ ।
मङ्गलबार १.७६ अङ्कले घटेको सेयरबजार आज थप ६.४६ अङ्कले घटेर २०२६.५९ विन्दुमा बन्द भएको हो । अघिल्लो कारोबारको दिन कुल ३ अर्ब ११ करोड ३५ लाख ५६ हजार नौ सय ७८ रुपैयाँ बराबरको कारोबार भएकोमा आज कारोबार रकम घटेर २ अर्ब २४ करोड १९ लाख ६१ हजार ७ सय ७९ रुपैयाँ पुगेको छ । आज बजार घट्दा कारोबार रकममा पनि गिरावट भएको हो ।
आज सर्वाधिक कमाउने कम्पनीहरुमा बोटलर्स नेपाल बालाजु र तराई, हिमालयन उर्जा र समाज लघुवित्त रहे । ती कम्पनीको सेयर मूल्य १० प्रतिशत कै हाराहारीमा वृद्धि भयो । मङ्गलबार सर्वाधिक गुमाउनेमा पिपल्स हाइड्रो, हिमालयन हाइड्रो, त्रिशुली जलविद्युत कम्पनी र मैलुङ खोला जलविद्युत कम्पनी रहे । ती कम्पनीको सेयरमूल्य ४ प्रतिशत भन्दा बढीले घट्यो ।V
