काठमाडौं, असोज २ । नेपाल धितोपत्र बोर्डले निबन्ध प्रतियोगिता आयोजना गर्ने भएको छ ।
विश्व लगानीकर्ता सप्ताह २०२३ को अवसरमा असोज १५ गतेदेखि २१ गतेसम्म निबन्ध प्रतियोगिता आयोजना गर्न लागेको हो । यसमा विभिन्न विश्वविद्यालय तथा सो अन्तर्गतका क्याम्पसमा स्नातकोत्तर तहमा अध्ययनरत इच्छुक विद्यार्थीहरुले सहभागिता जनाउन सक्नेछन् ।
‘परिवर्तित आर्थिक अवस्थाहरुमा लगानीकर्ताको लचिलोपन’ शीर्षकमा निबन्ध लेख्नु पर्नेछ । यसमा विभिन्न सर्तहरुपनि राखिएका छन् । प्रतियोगितामा प्रथमले ६५ हजार र दोस्रो हुनेले ३५ हजार रुपैयाँ पुरस्कार प्राप्त गर्नेछन् ।
Published Date: 19 September 2023
