काठमाडौँ, साउन ५ । मंगलबार नेप्से ७.२५ अंकले बढेर २ हजार ७२६.४९ विन्दुमा कायम भएको छ ।
आज सेयरबजारमा ३४३ कम्पनीका सेयर कारोबार भएका छन् । यी मध्ये १०३ कम्पनीका सेयर मूल्य बढेका छन् । बाँकी १६२ कम्पनीका सेयरमूल्यमा गिरावट आउँदा १२ कम्पनीका सेयरमूल्य भने स्थिर रहे । आज कुल १ करोड ४९ लाख २४ हजार ३०२ कित्ता सेयर ६ अर्ब ६७ करोड १० लाख १८ हजार रुपैयाँमा किनबेच भएका छन् ।
कारोबार रकम सोमबारको तुलनामा २१ प्रतिशतको वृद्धि हो । आज सेयरबजारमा सूचीकृत समूहमध्ये वाणिज्य बैंक, लगानी, उत्पादनशील तथा प्रशोधन, व्यापार तथा अन्य समूहका परिसूचक बढेका छन् । विकास बैंक, वित्त, होटेल तथा पर्यटन, जलविद्युत, जीवन बीमा, लघुवित्त, म्युचुअल फण्ड तथा निर्जीवन बीमा समूहका परिसूचक भने ओरालो लागेका छन् ।
एभरेष्ट कलर लिमिटेड, कालङ्गा हाइड्रो तथा बोटलर्स (बालाजु) नेपालका सेयरधनीले सबैभन्दा बढी कमाएका छन् । सबैभन्दा बढी गुमाउनेमा भने नविल बैंकको डिवेञ्चरमा लगानीकर्ता, एनआईविएल ग्रोथ फण्ड तथा कर्पोरेट डेभलपमेन्ट बैंकका सेयरधनी रहेका छन् ।
Published Date: 21 July 2026
