काठमाडौँ, जेठ २५ । सेयरबजार परिसूचक नेप्सेमा दोहोरो अंकको गिरावट आएको छ । आज नेप्से २०.२७ अंकले घटेर २ हजार ७ सय ३५.१४ विन्दुमा कायम भएको हो । आज सेयरबजारमा ३५६ कम्पनीका सेयर कारोबार भएका छन् । यी मध्ये ४१ कम्पनीका सेयरमूल्य बढेका छन् भने २२३ कम्पनीका सेयरमूल्यमा गिरावट आएको छ ।
आज कुल ९२ लाख १९ हजार ९२२ कित्ता सेयर ४ अर्ब ७ करोड ४७ लाख ६६ हजार रुपैयाँमा किनबेच भएको छ । कारोबार रकम गत शुक्रबारको तुलनामा २७ प्रतिशतले कमी हो । आज सेयरबजारमा सूचीकृत समूहमध्ये वित्त समूहको परिसूचक मात्रै सकारात्मक रहेको छ । अरु बाँकी सबै समूहका परिसूचक ओरालो लागेका छन् ।
सबैभन्दा धेरै व्यापार समूहको परिसूचक १.७७ प्रतिशतले घटेको छ । कालिञ्चोक हाइड्रोपावर लिमिटेड, क्रेष्ट माइक्रो लाईफ इन्सुरेन्स तथा सोपान फर्मास्युटिकल्स् लिमिटेडका सेयरधनीले सबैभन्दा बढी कमाएका छन् । सबैभन्दा बढी गुमाउनेमा भने उपकार लघुवित्त वित्तीय संस्था, सयपत्री हाइड्रोपावर लिमिटेड तथा सानीमा बैंक लिमिटेडका डिवेञ्चरमा लगानीकर्ता रहेका छन् ।
Published Date: 08 June 2026
