भक्तपुर, वैशाख ९ । यहि वैशाख १२ गते शनिबारका दिन भक्तपुर कटुन्जेस्थित मनोरम बोर्डिङ सेकेन्डरी स्कूलको प्राङ्गणमा वृहत निःशुल्क स्वास्थ्य शिविर सञ्चालन हुने भएको छ। वरुणपुर कृषि सहकारी संस्था लिमिटेड र मनोरम बोर्डिङ सेकेन्डरी स्कूलको संयुक्त आयोजनामा वृहत निःशुल्क स्वास्थ्य शिविर आयोजना हुन लागेको हो।
बिहान ८ बजेदेखि दिउँसो २ बजेसम्म सञ्चालन हुने उक्त शिविरमा स्त्रीरोग, सामान्य स्वास्थ्य जाँच, हाडजोर्नी तथा नशा रोग, जनरल चेकजाँच बालरोग लगायतका सेवा उपलब्ध गराइने आयोजकले जनाएको छ।
शिविरमा डा. इबामुरा मेमोरियल अस्पतालका विशेषज्ञ चिकित्सकहरूको प्राविधिक सहयोग रहने कुरा विद्यालयका प्रिन्सिपल महेश गुमान्जुले आइकन खबरलाई जानकारी दिए।
Published Date: 22 April 2026
