काठमाडौँ, वैशाख ३ । हेटौंडा सिमेन्ट उद्योगले कोइलाको अभाव भएको जनाउँदै आज बिहानदेखि उत्पादन बन्द गरेको छ ।
करिब एक महिनाअघि मात्र सो उद्योग नियमित सञ्चालन ल्याइएको थियो । उद्योगले ३ हजार मेट्रिकटन कोइला खरिदका बोलपत्र आव्हान गरिसकेको छ ।
करिब दुई हप्ताभित्र कोइला आइपुग्ने हेटौंडा सिमेन्ट उद्योगका सहायक प्रवन्धक विकास श्रेष्ठले बताए। कोइलाको परीक्षण नतिजा अनुसार मात्र सिमेन्टको उत्पादन समय निर्धारण हुने उनले जानकारी दिए।
Published Date: 16 April 2026
