तनहुँ, फागुन २२ । दमौलीस्थित तनहुँ क्षेत्र नम्बर १ मा जारी मतगणनामा राष्ट्रिय स्वतन्त्र पार्टी (रास्वपा) ले अग्रता लिएको छ। प्रारम्भिक मतपरिणामअनुसार रास्वपाका उम्मेदवार स्वर्णिम वाग्ले उल्लेखनीय मतसहित अग्रस्थानमा रहेका छन्।
मुख्य निर्वाचन अधिकृत विष्णुप्रसाद उपाध्यायका अनुसार हालसम्मको मतगणनामा स्वर्णिम वाग्लेले १ हजार ३५२ मत प्राप्त गरेका छन्। उनलाई नेपाली कांग्रेसका उम्मेदवार गोविन्द भट्टराईले ५९० मतसहित पछ्याइरहेका छन्।
त्यसैगरी नेकपा (एमाले) का उम्मेदवार भगवती न्यौपानेले ४१६ मत प्राप्त गरेका छन्। प्रारम्भिक मतगणनाले तनहुँ–१ मा मुख्य प्रतिस्पर्धा रास्वपा र नेपाली कांग्रेसबीच देखिएको संकेत गरेको छ।
Published Date: 06 March 2026
