काठमाडौं, असोज ३० । साताको अन्तिम कारोबार दिन बिहीबार नेप्से परिसूचक घटेर बन्द भएको छ। पछिल्ला दुई कारोबार दिनदेखि घटिरहेको नेप्से आज पनि घटेको हो ।
बिहीबार नेप्से परिसूचक १८.४० अंक घटेर २४८७.१७ विन्दुमा झरेको छ। त्यस्तै, यस दिन सेन्सेटिभ इण्डेक्स १.७३ अंक घटेको छ भने फ्लोट इण्डेक्स १.१६ अंक र सेन्सेटिभ फ्लोट इण्डेक्स ०.६२ अंक घटेको छ।
नेप्से घटे पनि यस दिन कारोबार रकम भने सामान्य बढेको छ। अघिल्लो कारोबार दिन अर्थात् बुधबार ३ अर्ब १० करोडको सेयर खरिदबिक्री भएको बजारमा यस दिन ३११ स्टकको ३६ हजार ५३१ पटकको कारोबारमा ३ अर्ब २७ करोड ५४ हजार रुपैयाँबराबरको ७६ लाख ४३ हजार कित्ता सेयर खरिदबिक्री भएको छ।
आज हिमालयन पावर पार्टनरको सेयर मूल्य सर्वाधिक ९.९३ प्रतिशत बढेको छ। त्यस्तै, कालिका लघुवित्त वित्तीय संस्थाको सेयर मूल्य साढे ५ प्रतिशतभन्दा बढी बढेको छ भने बाँकी स्टकहरुको मूल्य वृद्धिदर ४ प्रतिशतभन्दा कम रहेको छ।
कारोबारमा आएको समाज लघुवित्त वित्तीय संस्थाको सेयर मूल्य यस दिन सर्वाधिक १० प्रतिशत घटेको छ।
कारोबार रकमका आधारमा यस दिन मुक्तिनाथ विकास बैंक शीर्ष स्थानमा रहेको छ।
१३ उपसमूहमध्ये यस दिन २ उपसमूहको परिसूचक बढेको छ भने ११ उपसमूहको परिसूचक घटेको छ।
Published Date: 16 October 2025
