काठमाडौं, वैशाख २२ । वेस्ट इन्डिज ‘ए’ विरुद्धको ट्वान्टी–२० शृङ्खलाको पाँचौँ तथा अन्तिम खेलमा नेपालका तीव्र गतिका बलर अविनाश बोहराले महत्वपूर्ण विकेट दिलाएका छन् ।
कीर्तिपुरस्थित त्रिवि क्रिकेट मैदानमा टस हारेर बलिङको निम्तो पाएको नेपालका लागि उनले चौथो विकेटका रुपमा कप्तान रोष्टन चेजलाई ३३ रनमा क्याचआउट गराएका हुन् । १४औं ओभरको तेस्रो बलमा उनले विकेट लिएका हुन् । हाल ४ विकेटको क्षतिमा वेस्ट इन्डिज ‘ए’ ले ११५ रन जोडेको छ ।
यसअघि सागर ढकालले एक्लैले ३ विकेट लिएका थिए । उनले आठौं ओभरको पहिलो बलमा ओपनर जोन्सन चाल्र्सलाई तेस्राे विकेटका रुपमा २४ रनमा आफैंबाट क्याचआउट गराएका थिए । त्यसपछि तेस्रो बलमा मार्क देयाललाई ११ रनमा पनि कप्तान रोहितकुमार पौडेलबाट क्याचआउट गराएका हुन् । यसअघि दोस्रो ओभरको चौथो बलमा पनि ढकालले नै नेपाललाई पहिलो सफलता दिलाएका छन् । उनले ओपनर कादिम एलीनेलाई ११ रनमा कप्तान पौडेलबाटै उत्कृष्ट क्याचआउट गराएका थिए ।
Published Date: 04 May 2024
