काठमाडौं, साउन २० । बनेपा नगरपालिका वडा नम्बर ४ शेरा नजिकै महादेव खोलासँगै दश अवतार सहितको ब्रम्हायणी मन्दिर र ब्रम्हाको प्रतिमा स्थापना गरिएको छ।
९१ रोपनी सार्वजनिक जग्गामा संरचना तयार भएको ३० फिट अग्लो प्रतिमाको राष्ट्रपति विद्यादेवी भण्डारीले उद्घाटन गरेकी हुन् ।
पार्कसहितको दस अवतार भएका ब्रह्माको ३० फिट अग्लो मूर्ति प्रतिस्थापनका लागि स्थानीयहरूले १ करोड २० लाख नगद संकलन गरेका थिए ।
यो क्षेत्रको गौरवको योजनाका रूपमा लिएको ब्रह्मायणी मन्दिर र दस अवतारसहितको ब्रह्मा क्षेत्रलाई धार्मिक रूपले प्रचारप्रचार गरी आन्तरिक पर्यटन वृद्धि गर्ने समितिको योजना रहेको छ ।
