सुनचाँदीको मूल्यमा भारि गिरावट, कतिमा हुँदैछ कारोबार ?

काठमाडौं, वैशाख १९ ।  बुधबार नेपाली बजारमा सुनको मूल्य अघिल्लो दिनको तुलनामा प्रतितोला २ हजार ७०० रुपैयाँ घटेको हो। मंगलबार नेपाली बजारमा छापावाल सुन प्रतितोला १ लाख ३७ हजार २०० रुपैयाँमा कारोबार भएको थियो।

नेपाली सुनचाँदी व्यवसायी संघका अनुसार यस दिन छापावाल सुन, प्रतितोला १ लाख ३४ हजार ५०० रुपैयाँमा कारोबार भइरहेको छ भने तेजाबी सुन १ लाख ३३ हजार ८५० रुपैयाँमा कारोबार भइरहेको छ।

यस दिन सुनको मूल्यसँगै चाँदीको मूल्य पनि घटेको छ। मंगलबार प्रतितोला १ हजार ६५० रुपैयाँमा कारोबार भएको चाँदी, यस दिन १ हजार ६३० रुपैयाँमा कारोबार भइरहेको छ। यस दिन चाँदी तोलामा २० रुपैयाँ घटेको हो।